قصة عشقي لبنت جيراننا

زائر

المهم ببدا قصتي وانا مستحي وعلى ما قال الشاعر ابو برطم الحرَاني (( الكلمة اللي تستحي منها بدها)) ,,,,

كنت زي كل واحد فيكم اروح لبيت خوالي مع الوالده ( غصبن علي ) و انواع ضيقة
الصدر بس تنقى .. ما فيه احد من العيال كبري و كله (حريم x حريم) …

المهم كنت قاعد ادقدق بالكورة وامزع في الجدران وودي يمر بزر عشان اشوته في
وجهه واذا صاح وجت امه اقول (((مادريـــــــت ))) ومن ضيقة الصدر و القهر
اشوتها بأقوى ما عندي و اتسطحت عند الجيران
,,,….....

عطيت الكورة اشكل ولا رحت اجيبها من الجيران ، رحت للمجلس افتح التلفزيون
اقلب في هالقنوات (والله لوها عشرين قناة .. مابي اقول غصب 1و2 )……

ولا الوقت عصر وانواع افلام الكرتون اللي حفظتها من كثر ما يعيدونها و يطلع
علي في الشاشه ابو شايع (مذيع المباريات اللي يطير في الملعب ، من اول
دايم اسأل ابوي وشلون يقعد في الهوا ولا يطيح ) و يقول احبتنا الصغار الان
مع برنامج اطفال المستقبل و يجونك ابو
حجز
: اهلن فيكم احبائي الزغار دحينه راح نزور حديقة الحيوان و نشوف القرد
والفيل والحمار و الغوريلا والفقمه لكن لازم نستنه صديقنا الزريف دحروج
عشان يكون معانا في هادي الزيارة ((انا اعجبتني كلمة فقمه ، وكل شوي ارددها
.فقمه .فقمه احسبها بالانقليزي ))…و انا فاقن ثمي مدري وش يقولون

دحينه ونستنه ( مفروض يدبلجون مثل هالبرامج ) ووو خلص البرنامج صدق اني كنت اتابعه لكن اشوف الصور بس

….

وشوي والا الباب يرن و اجيك طااااير عشان افتحه قبل البنات و اشوف من اللي جاي ( والله من اللقافه ) … ..

خالتي منيره و عبودي ولدها وانا شوي و اتشقق من الفرحه ….. و يقولي هاه ما
عندك كوره نلعب قلت الا بس سطحتها عند الجيران قالي امش خلنا نجيبها و اروح
انا و ياه و نطق الباب و نرن الجرس ونرجف الباب برجولنا ( جرس القراوا )
ولا احد يرد والاه يذن المغرب قلت عبود امش نروح المسجد و عشان بعد الصلاة
نلقى جدهم نجيبه ونفتح له الباب وناخذ كورتنا ونروح للمسجد و هو توه ما
اقام و نقعد ندور حول المسجد و كل ما مرينا من براده شربنا مويه الين
انتفخنا ، و نتهاوش مع عيال المذن (والله من النجاسه في عيال المذن ) ماخلو
واحد في الحارة مااذوه حتى ان اخوي الصغير يسميهم الاشرار ( تأثير الكرتون
) و ندخل المسجد وهو في التشهد الاخير ويوم سلم قمنا نروكع و نسوجد يقالك
نصلي و ننتظر ذا الشايب يقوم ما قام اثره بيقعد للعشاء ..

قلت لعبودي امش خلنا نرجع للبيت و انا اوريك وشلون نجيب الكورة ….

ورجعنا وانا اللي اجيب سلم و ارقى على الملحق ويرقى معي صويلح و نشيل السلم
و ننزله في بيت الجيران و ننزل و البيت كله ظلام و شكله ما فيه احد و اقعد
ادور الكوره في حوشهم و ادور منا ومنا وشوي………………يطلعلي …..
.
.
.
.
.
.
.
.
.
…
.
..

..
.
.
.
..
.
قصدي تطلعلي بنتين كل وحده احلى من الثانيه قاعدين يتمشون في الحوش و يوم
شافتنا وحده منهم صرخت : حرااااااااااااامي …وتحط رجلها ،، عبودي يوم شاف
الدعوه كذا ما رده الا باب الشارع وقعدت انا والبنيه الثانيه وهي فااااااقه
تطالع في وجهي (خير ما قد شفتي حلو ) وتقولي وش تبون ، هي ما تدري ان
خوالي جيرانهم ( يعني بالسعودي ما تعرفني

) قلت : انا سطحت الكوره و اطق عليكم ولا تردون و طبيت عشان اخذها وترا خوالي جيرانكم
… راحت ذا الاجوديه تدور الكورة معي و لقتها و عطتني اياها و طلعت
…….. و ارجع ثانيه واطق الباب وترد قالت : وش تبي بعد
.. قلت : اباخذ السلم نسيته عندكم
… و اخذه و اطلع وماش ما شبعت منها(والله من الشفاحه ) وارجع واطق الباب
تقول : نعم .. قلت : بس بقول شكراً … قالت : يالله بسرعه قبل لا يجي جدي
(يقالك اننا نحب بس اهلنا ما يقدرون الحب.. كما قال الشاعر الجاهلي عبدالله
ابن رشاد لكن ظروفك غريبه )……

قعدت فتره اتذكرها … اول مرة اشوف بنت زيها .. متعود على بنات خوالي هالكمخ
اللي ما في راسهم ، اخر امنياتهم اشتر لي من البقالة واعطيك ريال ,,,,

مع مرور الوقت الواحد ينسى نفسه بس انا نسيت نفسي ولا نسيتها … ودايم اسأل
نفسي كم وحده تكد شعرها (والله الاسئله البايخه .. عليك نفس مدري وش تبي
اسئلتها ) والله ياعالم طوييييييل شعرها وعيونها بيالات وخشمها سلة
فواكة(كخخخ مهوب سيف) و وجهها كله على بعضه طوفريه فضيه من بياضها ،……. انا
كبرت وصرت في الجامعه (بواسطه طبعا ) و نقلوا خوالي من ذاك البيت,,,

عاد في عصر ذات مرة دق جوالي (عاد توني مطلعه 053 ) وارد و صارت جدتـي
وقالت هلا بجنيني ، استغربت وقلت وشلون عرفتي رقمي اخبرس ما تعرفين تدقين
جوالات ، قالت: رحت للشغاله لقيتها مخزنه رقمك في جوالها (جدتي تعز
هالشغاله وطلعت لها جوال بلاها مواعدتها اذا رخص الجوال بتطلع لها )
وخليتها تدق عليك ولا انا تخبرني ماعرف ادق (عاد ذا الشغاله عجوز في عمر
جدتي و كل صبحيه تتقهوى مع جدتي تقول خوات ، وتسميها جدتي ام افلاطون ) ،
قلت امري يا حشاشه بنكرياسي ،، قالت ابيك توديني لام سلطان
، قلت ابشري بس وين بيتهم فيه
،، قالت :هَو (بفتح الهاء وضم الواو بقوووووة) ما تعرفهم جيراننا اول ،،
وانا اللي افز من محلي واقول يالله جاي تولمي ،قالت: هَو (نفس اللي قبل بس
بضم الواو بشوي شوي يعني تخيلوا وحده خكريه تقول هو ) وش جاك متوقعه انك
بتعيي، قلت : لا انتي بالذات اطلبي اللي تبين ولا اعيي مشاويرتس تفتح النفس
،، واروح اتروش وازبط شكلي و واكد شعيراتي واعـبـي الاديتر مويه ………..
وشوي وانا عند بيت خوالي ،، و الا اليزابيث تنتظر (تكرم جدتي على الاقل ذي
تتغطى وذيك تطلع في التلفزيون ولا تستحي على وجهها والرجاجيل يشوفونها ) و
اجي افتح لها باب السيارة وتقول لا والله مانيب راكبه الا ورا ماعرف اركب
قدام ( ياحليلها ) ،، واركبها وادق سلف وامشي بشوي شوي في الدايري امشي
اربعين وتقول : هَو ( هو نفس الاولى ) وراك تسرع يا جنـينـي ترا السرعه
شينه ما تدري وش صار في ولد عم خال نسيب ولد عمة طنط حصه ،، مات من سبة
السرعه تصدق انهم الى الحين مالقوا جثته (نصباتها قوووووووية ) ،، عاد انا
خواف اصدق وامشي عشرين ويوم وصلنا من بكره ،، وترن الباب ويفتحون الباب
(العادة يفتحون الدرايش ) فتحت خويتنا لحاقة الكور واشوفها تحب راس جدتي
(يلعن بليسها شعرها كل ماله يطول ) ..واقول : يا ليتني راس جدتي ،، وتدخل
جدتي الله لا يخليني منها ولا من ريحتها (امووووت في ريحتها تقول محل عطارة
) واركب السيارة واطلع شريط ابو نوره
انشودة المطر
(يقالك يحب ما يدري ان محد يمه ) وشوي وتجي جدتي ، وتركب ،وتقول : هَو
(جديدة غير اللي قبل) تسمع اغاني يا وليدي ما توقعتك كذا ترا الاغاني قرآن
بليس ، و انا مدري وش اقول قلت لا ذي اخبار ، عاد تسمع ابو نورة يقول :مطر
مطر ، قالت : اجل يقولون بكرة بتمطر ، قلت : ايه بس مهوب علينا على راس ابو
قميص ، جيت بصرف الموضوع قلت: مسرع طلعتي من عندهم !!! قالت: بيطلعون
لاستراحه وبيجي سلطان يودي بعظهم وانت تودي الباقين ،، وانا اقول والله ،،
قالت : وشفيك ،، قلت: قصدي والله اني مشغول بس عشانس بوديهم ،، قالت : لا و
عندهم بنيه وش ملحها ان شاء الله بخطبها لك بس انت شد حيلك في
الدراسه(تفهمني ) ،، قلت : وشلون شكلها (قوي وجه ) ،، عاد جدتي easy
قالت:والله شق عذااااااااب مووووووت يلعن امها عليها جسم والا العيون وانا
امك تقول جيوك (ماقلت لكم انها EASY) ،، قلت : ايييييه والله انها شق ،،
قالت :وشو ،، قلت لا يعني على كلامس يا جديدتي شكلها حلوة وانا اعرف ذوقس
خاصة يوم شريتي ذاك المقطع البرتقالي (مقطع=ثوب) ،، قالت : لا و بنت حمولة و
اخلاق (لو تسمعونها وهي تقول اخلاق) وام سلطان ما ترد لي طلب ،، وشوي
ويـجي سلطان ويسلم (ياشين ذبات الوجه ، يعني تكفى تزوج اختي )

<<<< ما درو عنك يالثور

المهم ويحمل هالحريم اللي ما يخلصون (ودي اعرف كم حرمه في الدنيا )، وانا
منقهر اخاف ان خويتنا معه (قصدي خويتي انا )، اثرها داريه اني باخذ الحريم
الباقين وحبت تفتح مجال للعجز (على قولت جدتي اخلاق )، عشان تكحل عنونها
بشوفتي ،،، المهم انا مسوي في ابوها فاهم ورابط الحزام و مسوي راعي سواليف و
انكت مع جدتي و جدتي تذب علي وانا اتكتم ( بس جدتي عليها ذبات تفشل )
المهم نزلتهم وقالت : جدتي اذا كلمت عليك
وبعد 3 ساعات دق الجوال وارد..وانا امك تعال ،، قلت تعرفين الجوال ، قالت :
لا والله ماجبت ام افلاطون (دليل متنقل ) ، واكتبه في ورقه واعطيها الرقم ،

- نعم (العاده اقول لا ) ،، والا ذاك الصوت اللي يرد الروح ،
= الو
- لا والله منيب الو

<<<<< خفة الدم تسري في مجاري عروقه

تدرون منهي هذي ((….)) لامنيب معلمكم اسمها (عشان اذا تزوجتها تفظحوني"ضامن
هو ووجهه"تقولون اسم زوجته (…) ) المهم انها خويتنا لحاقة الكور، تذب
وجهها …. قالت:تعال خذ جدتك ترا بنمشي ،، قلت:من عيوني لو تبين اجي الحين
اخذها (اجل بكرة يالثور ) ،،،،،،،،،،

وانا طااااااير امشي مليون بروح اخذ جدتي من الاستراحه والطريق زحمه ( كل العالم بياخذون جداتهم ) …..
:
:
:
:
:
:
:
:
:
:
:
:
:
: و بعد 100 قرن

وصلت و اطق الباب و تفتح جدتي الباب وقالت : هَو وراك يا وليدي تأخرت راحوا
عني وانا انتظرك ،....انا ضاق صدري ووصلت معي(وقعدت العن ما خليت احد ما
لعنته حتى ياسر عرفات ذاك الشين لعنته ) يعني ما فيه امل اشوفها ، المهم
قالت جدتي : ادخل جب شنطتي و هات المفتاح اشغل السيارة والله ما احركها
……….. المهم وادخل والقى ذاك الكائن يلعن اصلها شييييييييييي موووووووت
هبااااااال (تراك مصختها ما قد شاف بنت )
ودي اعرف ابوها ذاك الشين وشلون جابها (لاحد يشرح تراني اعرف..وش قالولكم
بزر) ، المهم نطلت الرقم (قوي وجه ) ، وجدتي تناظر من بعيد وتبتسم ابتسامة
النصر (النثر ولا ثدوث ).. اثر جدتي بتشبكنا مع بعض (((والله من اللكاعه في
هالعجز ))) ….
.
.
.
.
.
.
..
خلاص وش تبون ,,, يعني لازم اختمها .. وتزوج الامير الاميرة وطاروا
بالزولية السحريه … خلاص نطلت الرقم وخلاص وجدتي تدري ولا عندي في احد ،،
واللي في راس امه شي يطلعه .. يالله كل واحد يتوكل… ..

امزح لا تزعلون ترا ما احب الزعولين بس ما عندي نهاية للقصه ,, ولا ودي
تصير زي الناس … تزوجوا وجابوا بنيه سموها فوزية ……. الا على طاري فوزيه من
شاف الحلقه الاخيره من دموع الرجال ( فاضي ما وراه اختبارات ) تصدقون ان
"طلعت" مات(عليه اسم) و عيال اخوه اشوا ردوا حلال ابوهم…….
وهالتمثيليه كل حلقه ابو حمزه يقول : انا تعبان يا فَوزيه ، احس اني قَرفان
من عيشَتي ، وفوزية ترد عليه :تستاهل مين قالك يا (تلعت) تطرد اخويا خليل
هازا جَزاك وهو يرد : اخوكي هادا ما في راس امه شغل وشغل البلطجه تبعه ما
يمشي معايا ،…
:
:
عاد انا و جدتي كل يوم نسهرعلى ها المسلسل ،، يا حبي له ………

منقوووووولة عن طريق الاميل دوووم كوووووم

زائر

مشكووووووووووووووووور على الطرح الرائع

شكرااااااااااا

» موقف محرج جداً لبنت